استمارة التقديم على الامتحانات الخارجية لعام 2024-2025 + روابط

التقديم على الامتحانات الخارجية 2024 2025 الابتدائي والمتوسط والاعدادي

وزارة التربية: ١٤ تشرين الثاني موعد التقديم للامتحانات الخارجية

كشف المكتب الإعلامي في وزارة التربية عن موعد التقديم للامتحانات التمهيدية (الخارجي) والذي يبدأ يوم الخميس الموافق ٢٠٢٤/١١/١٤ ولغاية يوم الاربعاء الموافق ٢٠٢٤/١٢/٢٥ حيث سيكون آخر موعد لاستلام الاستمارات من الإدارات المدرسية موضحا تفاصيل وتعليمات القبول لاداء الامتحانات التمهيدية وكالاتي:-

يُسمح للراغبين في الإشتراك من مواليد (٢٠٠٦ وما قبلها) التقديم على الدراسة الابتدائية على ان يكون المتقدم متخرجا من الصف الرابع الابتدائي كحد أدنى للتعليم العام أوالمستوى الثاني (التعليم المسرع) او ممن اجتازوا مرحلة التكميل في مراكز محو الأمية ويؤهل المتقدم في حال النجاح او الاكمال بدرس او درسين لتأدية الامتحانات العامة النهائية، فيما يُقبل المتقدم لأداء الامتحانات التمهيدية للدراسة المتوسطة بعد مُضي ثلاث سنوات دراسية او اكثر على إنهائه المرحلة الابتدائية لمن كان دون(٢٨) عاما اما من اكمل (٢٨) فما فوق بإمكانه اداء الامتحانات مباشرة دون سنوات الانتظار اعلاه وكذلك الحال للراغبين بالاشتراك لاداء امتحانات الدراسة الإعدادية شرط اجتياز المتقدم المرحلة المتوسطة او ما يعادلها بنجاح

تعليمات وضوابط التقديم للامتحانات التمهيدية للعام الدراسي ٢٠٢٤ / ٢٠٢٥

..

طرق التقديم والتعليمات الخاصه بالامتحان التميهدي الخارجي للعام الدراسي الحالي

كيفية التقديم على الامتحانات الخارجية مع الضوابط والوثائق المطلوبة

نبذه عن الامتحان الخارجي وطريقة التقديم :

سنوياً من بعد يوم 15 بشهر العاشر تبدي التربيه تنزل الضوابط والتعليمات الخاصه بالامتحان الخارجي و بشهر 11 ينفتح التقديم على الامتحان الخارجي بس هالسنه تاخر موعد فتح التقديم وبهاي الفتره الجايه راح يتحدد موعد فتح التقديم على الامتحان الخارجي وراح انزللكم شلون طريقه التقديم.

طريقة التقديم على الامتحان الخارجي :

المستمسكات المطلوبة :

1.عدد ٤ صور حديثة ذات خلفية بيضاء بقياس 3.5×4.5.

2.هوية الاحوال ( الجنسية او بطاقة الوطنية ).

3.طلب رسمي (فايل يحتوي على استمارة) .

4. بطاقة السكن.

 - اذا كملت المستمسكات هسه انته جاهز تقدم على الامتحان الخارجي:

اهم النقاط للتقديم على الامتحان بعد تحضير المستمسكات الرسميه :

1️⃣ تسليم المستمسكات وطلب التقديم للامتحان الخارجي في مديرية التربية التابعة لمحافظة سكن الطالب….

في المقابل يستلم الطالب من مديرية التربية (ورقتان) :

الورقة الاولى :- طلب تسليم الوثيقة من المدرسة الى الطالب كي يقوم بتسليمها الى مديرية التربية.

الورقة الثانية :- واقع حال تسليمه الى مدير المدرسة لتوضيح اخر صف كان فيه الطالب.

سؤال / شنو يعني واقـــــع حال والى دائرة اسلمة ؟

جواب : هذا تاخذه لمدير اخر مدرسة دارس بيها يكتبلك بيه سنه كذا راسب وسنه كذا تارك و سنه كذا ناجح .. حتى يعرفون انت مقبول خارجي لو لا.

سؤال شنو طلب الوثيقــــه والى دائرة اسلمة ؟

جواب: هذا تاخذه لاخر مرحلة منتهيه درستها ونجحت منها (يعني سادس ابتدائي لو ثالث متوسط او سادس اعدادي يا صف منهن نجحت منه اخر شي؟ تاخذ الوثيقة الهم) يسلمونك وثيقتك ، اكو مدارس يكول المدير اني اوصلهه للتربيه لان ممنوع تسليم الوثيقه للطالب هاي عادي همه يدزوها للمديرية.

2️⃣ بعدها تكمل اجراءاتك بالتقديم تسلمهم (واقع الحال والوثيقة و المستمسكات) و ياخذون 50 الف منك هاي معناها انقبلت وكلشي توب ومضبوط .

3️⃣ تنتظر قبل الامتحانات التمهيديه تستلم باج و من تدخل وزاري بشهر 4 تروح تبصم و قبل الامتحانات الوزاريه تستلم بطاقه امتحان.

4️⃣ قبل الامتحانات التمهيديه و والامتحانات الوزاريه بأسبوع تراجع مديرية التربية تشوف اسمك يا مركز امتحاني بالمدارس ؟ يعلنونها على لوحة الامتحانات بمديرية التربيه، او من خلال مواقع التواصل واحنه ننشر الاسماء المتوفرة عدنه والي يوصوروها الطلبه من يراجعون التربيه 

5️⃣ تمتحنون بمراكز امتحانية بوسط المحافظة حصرا ، و تقدمون للخارجي على حسب بطاقة السكن حصرا ، يعني ما يصير انت بطاقة السكن مالتك مكتوب بيها بغداد و تروح تمتحن بالموصل هالشي ما يصير .

6️⃣ من تدخل الامتحان الوزاري و تعبر الامتحانات التمهيدية هنا صار اسمك ضمن (طلبة الثالث او السادس ) بدون تحديد لا صباحي لا مسائي لا خارجي يعني تطفر طفرة عمرك، بعد محد يدري بيك انت شنو دارس ، اسمك طالب صف سادس و بس و الك كل الحقوق الي يستحقها طلاب المدارس .

توضيح مهم: بالسنوات الفاتت جان التقديم بشكل حضوري يعني يروح الطالب ويقدم كلشي بنفسة ,بس هالسنه التقديم يكون الكتروني , وسيتم نشر ورابط التقديم الالكتروني على الامتحان الخارجي من خلال مواقعنا الرسمية

فيما أجازت التعليمات لخريجي الدراسة الاعدادية ( الأكاديمي والمهني) للاعوام السابقة التقديم في فرع مغاير للفرع الذي تخرج منه على ان يؤدي الامتحان التمهيدي في الفرع المُختار ، علما ان الامتحانات الخارجية ستكون حصرا للطلبة داخل العراق وفي مركز المحافظة للمتقدمين.

🔺 علماً بعض المديريات اعلنت التقديم الكتروني يمكنكم مشاهدة روابط التقديم الالكتروني للمحافظات عبر الرابط : 

🌐 | https://lnk.vin/Study

♦️الرصافة الاولى : إلى الراغبين بالتقديم على الدراسة الخارجية نود إعلامكم بأن إستقبال استماراتكم الإلكترونية يكون ابتداءً من يوم الأحد الموافق "26" من الشهر الجاري على الرابط في أدناه، وبخلافه تهمل المعاملة للعلم مع التقدير.

https://rasafa1.exams-iq.com

🔺 على كل طالب من يرغب التقديم على ( الخارجي ) سحب استمارة التقديم مثل الواضحة امامكم بالصورة ومراجعة اخر مدرسة للطالب وملئ الاستمارة وبعدها مراجعة التربية لأستكمال الاجراءات ..

ضوابط و شروط التقديم للامتحانات الخارجية 2025-2024 + شروط التقديم على الامتحانات التمهيدية لطلاب الخارجي

 ويمكنكم مشاهدة المستمسكات المطلوبة والضوابط للتقديم اضـــغـــــط هنـــــــا